Ijtimoiy tarmoqlarda Ohangarondagi gaz quyish shoxobchasida janjal aks etgan video tarqalgandi. Toshkent viloyati IIBB matbuot xizmati holat yuzasidan rasmiy ma’lumot berdi.
O‘rganishlar natijasida voqea avtomobillarga gaz quyish jarayoni yoki u yerda navbat talashgan haydovchilar bilan bog‘liq emasligi aniqlangan.
Ma’lum bo‘lishicha, Ohangaron tumani “Shodmalik” mahallasida o‘tkazilgan to‘y marosimida xonadonga mehmon sifatida kelgan kuyovning jo‘ralari va kelinning sinfdosh do‘stlari o‘zaro tortishib qolgan.
Shundan so‘ng, ular to‘y bo‘layotgan xonadon yaqinida joylashgan, hozirgi kunda ta’mirlash ishlari sabab ish faoliyatida bo‘lmagan gaz quyish shoxobchasi hududiga o‘tib, bir-birlari bilan urishib, janjallashgan.
Ushbu voqea yuzasidan hududiy ichki ishlar bo‘limiga biror xabar kelib tushmagan.
Hozirda, janjalda ishtirok etganlarning barchasi o‘rnatilgan tartibda jinoyat ishiga jalb etilib, tuman ichki ishlar bo‘limi tomonidan Jinoyat kodeksining 277-moddasi, 2-qismi “b” bandi bilan jinoyat ishi qo‘zg‘atilgan. Tergov harakatlari olib borilmoqda.
Izoh (0)