Ширин ҳидни ҳис қилиш ва бошқаларни ҳайратда қолдириш учун ярим шиша атирни ишлатадиган даврлар ўтди. Осон усуллар ёрдамида терида атирни узоқ вақт давомида сақлаб қолиш мумкин. AdMe нашри атирни тўғри сақлаш ва қўллаш бўйича қоидаларни тақдим этди.
Парфюмни нам терига сепинг
Қуруқ тери ҳидни сақламайди, шунинг учун мутахассислар ҳидсиз, тана учун фойдаланиладиган мойларни қўллагандан кейин атир сепишни маслаҳат беради. Намланган тери атирни яхшироқ «қабул қилади — ҳид 2-3 баравар кўпроқ вақт давомида сақланиб туради.
Душдан кейин дарҳолпарфюмдан фойдаланинг
Агар душдан сўнг дарҳол атирдан фойдалансангиз, ҳид узоқроқ сақланиб туради. Парфюм буғланган терига яхши ёпишади. Душдан сўнг дарҳол ва уйдан чиқишдан олдин атир сепинг ва бу кун бўйи ёқимли ҳидни ҳис қилишингизга ёрдам беради.
Атир сепган жойингизни ишқаламанг
Аёлларнинг энг кўп учрайдиган хатоларидан бири бу атирни билакларига сепиш ва уни енгил ишқалашдир. Бу эса атирнинг яхшироқ сўрилишига ёрдам беради, деб ўйлашади. Аслида, ишқалаш ҳиднинг тез йўқолишига сабаб бўлади. Ишқаланишдан кейин тери қизийди ва ҳидни ўзгартирадиган табиий ферментларни ишлаб чиқаради.
Хушбўй ҳиднинг яхлитлигини сақлаб қолиш учун парфюмерлар атирни теридан 25-30 см масофада сепишни ва ишқаламасликни маслаҳат беришади.
Парфюмнинг концентрациясига эътибор беринг
Хушбўй ҳиднинг сақланиб туриши нафақат уни қўллаш усулига, балки таркибий қисмларга, шунингдек, композициядаги парфюм ва спиртнинг нисбатига ҳам боғлиқ. «Парфюм» ёрлиғи бўлган идишли атирлар энг юқори хушбўй концентрацияга эга.
Хушбўй ҳид қанчалик концентрацияланган бўлса, у шунчалик узоқ вақт давоми сақланиб туради ва атирни камроқ, тез-тез қўллаш керак бўлади. Бу ҳолатда парфюмерияни икки марта сепиш кифоя қилади.
Атирни дезодарант билан бирга ишлатманг
Севимли дезодорантингизни қанчалик яхши кўрсангиз ҳам, уни атир билан бирга қўлламанг. Атирдан фойдаланиш учун ҳидсиз дезодорантни танлаган маъқул.
Атирни пулс нуқталарига сепинг
Парфюм одатда пулсни аниқлайдиган нуқталарга қўлланилса, унинг ҳиди узоқ вақт сақланиб қолади. Бу жойларда тана ҳарорати бироз юқорироқ, шунинг учун ҳид яхшироқ тарқалади ва сақланади.
Мутахассислар севимли хушбўй атирингизни билаклар, қулоқлар орқаси, чаккалар, бўйин, тирсаклар ёки тиззалар орқасига қўллашни маслаҳат беради.
Вазелиндан фойдаланинг
Вазелин ҳидларни жуда яхши ушлаб туради. Бунинг сири унинг ёғли асосида, у атирнинг ҳиди йўқолишига йўл қўймайди. Агар билакларингизга, бўйинингизга ва қулоқларингиз орқасига озгина вазелин суртиб, бу жойларга атир сепсангиз, кечқурунгача хушбўй ҳид йўқолмайди.
Тароққа атир сепинг
Атирни сочларга қўллаш зарарли. Таркибида спирт бўлган атирлар сочнинг қуришига сабаб бўлади. Агар сочларингизда хушбўй ҳид келиб туришини истасангиз, сочингизга таркибида алкоголь бўлмаган атирларни сепишингиз ёки атирни тароққа сепиб фойдаланишингиз мумкин.
Лосьон ёки қўл кремга атир қўшинг
Севимли атирингизни лосьонга ёки қўл кремига қўшишингиз мумкин. Шундай қилиб, фойдали маҳсулотдан севимли атирингизнинг ҳиди келади: терига ғамхўрлик қилинг ва хушбўй ҳиддан баҳраманд бўлинг.
Атирларни сақлаш бўйича қоидаларга риоя қилинг
Атир ҳидининг сақланиб туриши атроф-муҳит таъсирига ҳам боғлиқ. Ҳароратнинг кескин ўзгариши табиий маҳсулотларда кимёвий реакцияларга олиб келиши мумкин ва бундай ҳолатда атир тезда ҳидини йўқотади.
Ультрабинафша нурлар суюқлик рангини ўзгартириб, амберни яшил рангга айлантириши мумкин. Парфюмерлар атирни хона ҳароратида қутиларда сақлашни тавсия қилади.
Атир билан намланган пахтадан фойдаланинг
Ташқарида бўлганингизда хушбўй ҳидни «янгилаш» учун атирни олдиндан бир нечта пахта ёстиқчаларига сепинг ва уларни нам ҳолатда полиэтилен пакетга солинг. Уларни ўзингиз билан олиб юринг ва кун давомида фойдаланинг.
Кичикроқ идишларни танланг
Атир қанчалик қиммат бўлмасин, уни мунзатам ишлатиб туриш керак. Ярим бўш шишани узоқ муддатда сақлаш кислороднинг атир таркиби молекулаларини аста-секин йўқ қилишига, унинг таркибини ўзгартиришига олиб келади. Атирни 3 ойгача ишлариш мумкин. Парфюмерияларни кичикроқ идишга қуйиб, музлатгичга қўйиш орқали узоқроқ сақласа бўлади. Янги атирдан кўра кичик идишларни сотиб олиш осонроқ.
Мавзуга доир:
Изоҳ (0)