Muhammad Saloh “Liverpul”da Kenni Dalglishning natijasini takrorladi

“Liverpul” hujumchisi Muhammad Saloh Premyer Ligasi doirasida kechgan “Aston Villa”ga qarshi bahsda (3:1) gol urishga erishdi.

Bu misrlik futbolchi uchun APL doirasida mersisaydlar safidagi 125-gol bo‘ldi. Shuningdek, bu o‘yinda Saloh “Liverpul”dagi 50-golli uzatmasini amalga oshirdi.

Muhammad “qizillar” safida Premyer Ligadagi 195 o‘yinda “gol+pas” tizimida 175 ochko (125+50) to‘pladi. U “Liverpul”da 2017/18-yilgi mavsumdan beri harakat qilib keladi.

30 yoshli hujumchi “Liverpul”dagi umumiy gollarini 172 taga yetkazdi va klub tarixidagi eng yaxshi to‘purarlar ro‘yxatida 7-o‘rindagi Kenni Dalglishga yetib oldi. Dalglishga bu marrani zabt etish uchun 515 o‘yin kerak bo‘lgandi, Saloh esa 277 ta o‘yinda shuncha gol urdi.

“Liverpul” to‘purarlar ro‘yxati quyidagi ko‘rinishni olgan:

1. Ian Rash (346 gol)
2. Rojer Hant (285)
3. Gordon Hojson (241)
4. Billi Liddell (186)
5. Stiven Jerrard (186)
6. Robbi Fauler (183)