Futbol bo‘yicha Angliya Premyer Ligasining 17-turida “Arsenal” 26-dekabr, dushanba “Vest Hem” bilan bahs olib bordi.
Uchrashuvning 27-daqiqasida Said Benrahma penaltidan unumli foydalanib hisobni ochdi. Shu tariqa “Vest Hem” tanaffusga g‘olib sifatida yo‘l oldi. Ikkinchi bo‘limda londonliklar bosimni kuchaytirdi. Dastlab, 53-daqiqada Bukayo Saka muvozanatni tikladi. 58-daqiqada esa Gabriel Martinelli “kanonirlar”ni hisobda oldinga olib chiqdi. 69-daqiqada Edvard Nketia hisobni ishonchli ko‘rinishga olib keldi.
Mikel Arteta shogirdlari ochkolari sonini 40 taga yetkazib, peshqadamlikni mustahkamladi. “Bolg‘achilar” esa 14 ochko bilan 16-pog‘onani band etdi.
APL
17-tur bahsi
26-dekabr, dushanba
“Arsenal” — “Vest Hem” 3:1
Gollar: 0:1 – 27 Benrahma (penalti), 1:1 – 53 Saka, 2:1 – 58 Martinelli, 3:1 – 69 Nketia.“Arsenal”: Remsdeyl, Uayt, Gabriel, Saliba, Tirni (Zinchenko, 73), Jaka, Parti (El-Neni, 90+5), Edegor, Saka, Nketia, Martinelli (Fabiu Vieyra, 88).
“Vest Hem”: Fabianski, Soufal, Douson, Kerer, Kressuell, Souchek (Fornals, 78), Rays, Lukas Paketa, Antonio (Mubama, 87), Benrahma, Bouen.
Ogohlantirishlar: Bouen (8), Soufal (44).
Izoh (0)