Samarqandda Favqulodda vaziyatlar bo‘limi boshlig‘i pora bilan qo‘lga tushdi

Davlat xavfsizlik xizmati idoralari tomonidan o‘tkazilgan tezkor tadbirlar natijasida Samarqand viloyatidagi tumanlardan birining Favqulodda vaziyatlar bo‘limi boshlig‘i ushlandi.

Ma’lum bo‘lishicha, u viloyat boshqarmasidagi mansabdor shaxslar orqali mahalliy fuqaroni o‘zi rahbarlik qilayotgan bo‘limga ishga qabul qilinishida yordam berish evaziga 2000 dollar talab qilgan.

DXX viloyat boshqarmasi, viloyat prokuraturasi va Iqtisodiy jinoyatlarga qarshi kurashish departamentining hududiy boshqarmasi xodimlari tomonidan o‘tkazilgan tezkor tadbirda mazkur mansabdor shaxs so‘ralgan puldan 1000 dollarni olgan vaqtida ashyoviy dalillar bilan ushlangan.

Hozirda holat yuzasidan mazkur shaxsga nisbatan Jinoyat kodeksining 168-(firibgarlik) va 28, 211-moddalari (pora berish) bilan jinoyat ishi qo‘zg‘atilgan.

Mavzuga doir:

• Farg‘onada bank boshqaruvchisi 3500 dollar pora bilan ushlandi
• Qashqadaryodagi tumanlarning birida bosh shifokor 500 dollar pora bilan qo‘lga tushdi