Portugaliya terma jamoasi Fernandu Santushning iste’fosidan keyin murabbiy izlashda davom etmoqda.
Jornal de Noticias nashrining xabar qilishicha, “Roma” ustozi Joze Mourinyo Portugaliya futbol federatsiyasining (FPF) asosiy maqsadi bo‘lgan. Biroq portugaliyalik mutaxassis ayni vaqtda terma jamoada ishlash niyatida emas va shu bois federatsiyaning taklifini rad etgan.
Mourinyoning “Roma” bilan amaldagi shartnomasi 2024-yilning yoziga qadar mo‘ljallangan. Mutaxassis kelishuvning oxirigacha klubda qolmoqchi.
A Bola nashri versiyasi bo‘yicha FPF Mourinyoning rad javobidan keyin ayni vaqtda ishsiz yurgan Zinedin Zidan va Luis Enrike variantlari ustida ishlamoqda.
Enrike JCH—2022 dan keyin Ispaniya terma jamoasi bosh murabbiyligidan ketgandi. Zidan esa 2021-yilning yozida “Real”dan ketganidan beri ishsiz.
Qayd etilishicha, FPF bosh murabbiy tayinlashda shoshma-shosharlikka yo‘l qo‘ymaydi. Portugaliya keyingi o‘yinini mart oyida o‘tkazadi. Unga qadar federatsiya Mourinyoning o‘z fikridan qaytib qolishidan umidvor, shuningdek, boshqa nomzodlar bilan shoshilmasdan muzokara o‘tkazadi.
Izoh (0)