Португалия терма жамоаси Фернанду Сантушнинг истеъфосидан кейин мураббий излашда давом этмоқда.
Jornal de Noticias нашрининг хабар қилишича, «Рома» устози Жозе Моуриньо Португалия футбол федерациясининг (FPF) асосий мақсади бўлган. Бироқ португалиялик мутахассис айни вақтда терма жамоада ишлаш ниятида эмас ва шу боис федерациянинг таклифини рад этган.
Моуриньонинг «Рома» билан амалдаги шартномаси 2024 йилнинг ёзига қадар мўлжалланган. Мутахассис келишувнинг охиригача клубда қолмоқчи.
А Бола нашри версияси бўйича FPF Моуриньонинг рад жавобидан кейин айни вақтда ишсиз юрган Зинедин Зидан ва Луис Энрике вариантлари устида ишламоқда.
Энрике ЖЧ—2022 дан кейин Испания терма жамоаси бош мураббийлигидан кетганди. Зидан эса 2021 йилнинг ёзида «Реал»дан кетганидан бери ишсиз.
Қайд этилишича, FPF бош мураббий тайинлашда шошма-шошарликка йўл қўймайди. Португалия кейинги ўйинини март ойида ўтказади. Унга қадар федерация Моуриньонинг ўз фикридан қайтиб қолишидан умидвор, шунингдек, бошқа номзодлар билан шошилмасдан музокара ўтказади.
Изоҳ (0)