23-dekabr kuni kechqurun Rossiyaning Kemerovo shahrida noqonuniy qariyalar uyi yonib ketdi. Yong‘in oqibatida 20 kishi halok bo‘ldi. Bu haqda Rossiya Favqulodda vaziyatlar vazirligi xabar bermoqda. Yana olti kishi jabrlandi, ularning ikki nafari og‘ir ahvolda kasalxonaga yotqizilgan.
“Tavricheskaya ko‘chasida xususiy uy yonib ketdi. U kecha-yu kunduz keksa kishilarni saqlash uchun noqonuniy ravishda foydalanilgani aniqlandi. Hech qanaqa o‘t o‘chirish tizimlari u yerda ko‘zda tutilmagan”, — deya ma’lum qildi favqulodda xizmatlar xodimi.
Yong‘in maydoni 180 kvadrat metrni tashkil qilgan. Rossiya OAVlariga ko‘ra, yong‘inning dastlabki sababi nosoz isitish moslamasi yoki tunda o‘chirilmasdan qolib ketgan o‘choq deb taxmin qilinmoqda.
Kemerovo viloyati prokuraturasi hodisa yuzasidan tekshiruv boshladi.
Izoh (0)