Janubiy Koreya Milliy razvedka boshqarmasi (NIS) 2023-yilda Shimoliy koreyaliklar ilg‘or texnologiyalar haqidagi ma’lumotlarni o‘g‘irlash maqsadida respublikaga qarshi kiberhujumlarni kuchaytirishi mumkinligini taxmin qildi.
“2023-yilda Shimoliy Koreya asosiy texnologiyalarni o‘g‘irlashga, diplomatik va xavfsizlik ma’lumotlarini yig‘ishga urinishi kutilmoqda”, — dedi NIS.
Janubiy Koreya razvedkasi ma’lumotlariga ko‘ra, Shimoliy Koreya xakerlik guruhlari asosiy e’tiborini atom elektr stansiyalari, chiplar va mudofaa sanoati bilan bog‘liq Janubiy Koreya texnologiyalarini o‘g‘irlashga qaratishi, shuningdek, Janubiy Koreya va AQSHning KXDRga nisbatan siyosati haqida ma’lumot to‘plash bilan shug‘ullanishi mumkin.
Bundan tashqari, NIS Shimoliy Koreya kelgusi yilda kriptovalyutalarni o‘g‘irlashga urinishda yanada faolroq bo‘lishi mumkinligini taxmin qilmoqda.
Ma’lumotlarga ko‘ra, 2017-yildan beri Shimoliy Koreya butun dunyo bo‘ylab 1,5 trillion von (1,2 milliard dollar) qiymatidagi kripto aktivlarini o‘g‘irlagan.
Izoh (0)