Turkmanistonda Axal viloyatining yangi qurilayotgan ma’muriy markazi respublika sobiq prezidenti, Xalq Maslahati Milliy Kengashi (Turkmaniston parlamenti yuqori palatasi)ning amaldagi rahbari Gurbanguli Berdimuhamedov sharafiga Arqadag‘ deb nomlandi. Bu haqda Turkmenportal xabar bermoqda.
Tegishli qaror Milliy Kengash Majlisi (quyi palata) tomonidan “Axal viloyati va mamlakatning boshqa viloyatlari aholisining xohish-istaklari hamda jamoat tashkilotlari takliflarini inobatga olgan holda” qabul qilingan.
Arqadag‘ shahrining qurilishi 2019-yil aprel oyida boshlangan. Shahar ikki bosqichda qurilmoqda, birinchi bosqichni dekabr oyida topshirish rejalashtirilgan. Rejalarga ko‘ra, u “aqlli shahar” bo‘lishi kerak. Bu yerda elektrobuslar va elektromobillarning harakati tashkil etiladi, quyosh panellari va shamol generatorlari paydo bo‘ladi.
2022-yilning dekabr oyi boshida Gurbanguli Berdimuhamedov respublika Tashqi ishlar vazirligi rahbari Rashid Meredovga yangi shaharni Ginnesning rekordlar kitobiga mintaqadagi “eng katta, eng noyob va go‘zal shahar” sifatida kiritish masalasini hal etish bo‘yicha topshiriq bergan edi.
Izoh (0)