Shavkat Mirziyoyev: “Mening katta niyatim — yurtdoshlarimiz orasida yuz minglab mulkdorlar, aksiyadorlar paydo bo‘lsin”

Shavkat Mirziyoyev 20-dekabr kuni Oliy Majlisga yo‘llagan murojaatnomasida 2023-yilda “katta xususiylashtirish” boshlanishi, mingga yaqin korxona savdoga chiqarilishini ta’kidladi.

“Mening katta niyatim – yurtdoshlarimiz orasida yuz minglab mulkdorlar, aksiyadorlar paydo bo‘lsin. Odamlarimiz o‘z omonatlarini investitsiya qilib, yuqori daromadlarga ega bo‘lsin. Shuning uchun, topshiriq berdim. Keyingi yilda eng yirik 10 ta kompaniya va tijorat banklarimizning aksiyalari o‘z aholimiz uchun ochiq va shaffof savdoga chiqariladi. Bu chinakam xalq IPO’si bo‘lishiga ishonaman”, — dedi prezident.

Jahon savdo tashkilotiga a’zo bo‘lish bo‘yicha asosiy muzokaralarni yakunlab, ichki qonunchilikni moslashtirish, yangi standartlarni joriy etish ishlari jadallashtiriladi. Umuman, 2023-yilda eksport hajmi tarixda ilk bor 23 milliard dollardan ortadi (2018-yilda 14 milliard dollar bo‘lgan).

Ma’lumot uchun, IPO Initial Public Offering so‘zlarining qisqartmasi bo‘lib, aksiyadorlik jamiyatining aksiyalarini birlamchi oshkora taklif etish ma’nosini bildiradi.

Mavzuga doir:

• O‘zbekistonda QQS stavkasi 15 foizdan 12 foizga pasaytirilib, tadbirkorlar ixtiyorida yiliga 14 trln so‘m qoladi
• 2023-yilda eksport hajmi tariximizda ilk bor 23 milliard dollardan ortadi
• Shavkat Mirziyoyev: “O‘zbekistonning yalpi ichki mahsuloti hajmi ilk bor 80 milliard dollardan oshdi”