“O‘tgan ikki yilda 5 mingga yaqin mansabdor korrupsiyaviy jinoyatlar bo‘yicha javobgarlikka tortildi” — Shavkat Mirziyoyev

Shavkat Mirziyoyev 20-dekabr kuni Oliy Majlisga yo‘llagan murojaatnomasida eng dolzarb muammo bo‘lgan korrupsiya masalasiga alohida to‘xtalib o‘tdi.

“O‘tgan ikki yilda 5 mingga yaqin mansabdor korrupsiyaviy jinoyatlar bo‘yicha javobgarlikka tortildi. Lekin, ochiq aytish kerak, bu – masalaning sababi bilan emas, oqibati bilan kurashish”, — dedi u.

Davlat rahbari deputat va senatorlar, mahalliy kengashlar ham bong urib, aniq sohalarni tahlil qilib, korrupsiyani bartaraf etish bo‘yicha faol bo‘lishga chaqirdi, buning uchun ularda yetarli vakolat ham, shijoat ham borligini ta’kidladi.

Sun’iy monopoliyaga, yopiq sxemalarga, umuman, korrupsiyaga imkon beruvchi barcha bo‘shliqlarga barham berilishi ta’kidlandi.

Mavzuga doir:

• “Korrupsionerlarni la’natlaymiz, lekin ularni poraxo‘r qilayotgan biz o‘zimiz-ku” — Muftiy Nuriddin Xoliqnazarov
• “Korrupsionerlar suvarakka o‘xshaydi” — Akmal Burhonov
• O‘zbekistonda eng ko‘p manfaatlar to‘qnashuviga yo‘l qo‘yilgan viloyatlar e’lon qilindi