O‘zbekiston 2022-yilning yanvar-noyabr oylarida 127,2 ming tonna banan import qilgan. Bu haqda Davlat statistika qo‘mitasi matbuot xizmati xabar bermoqda.
Banan importi hajmi o‘tgan yilning mos davri bilan solishtirilganda 57,4 ming tonnaga oshgan.
2022-yilning 11 oyida O‘zbekiston eng ko‘p banan import qilgan davlatlar orasida hamon Ekvador yetakchilik qilmoqda — 125,9 tonna. O‘tgan oyning o‘zida Ekvadordan 23,4 ming tonna olib kelingan.
Noyabr oyiga qadar O‘zbekistonga bananlar to‘rt oy davomida faqat ushbu davlatdan keltirilgan edi. Biroq o‘tgan oyda Turkmanistondan O‘zbekistonga katta miqdorda banan keltirilgan.
Bu orqali yil boshidan beri Turkmanistondan import qilingan banan ulushi 324 tonnaga yetgan va jami banan import qiluvchi mamlakatlar orasida uchinchi o‘rinda bormoqda.
Yanvar—noyabr oylarida Ekvador va Turkmanistondan tashqari O‘zbekistonga banan Qozog‘iston (426 tonna), Turkiya (197 tonna) va Hindistondan (144 tonna) import qilingan.
Biroq ushbu davlatlardan banan O‘zbekistonga iyun oyidan beri import qilinmayapti.
Mavzuga doir:
Yil boshidan beri O‘zbekistonda banan narxi 16,9 foizga oshgani ma’lum bo‘ldi
O‘zbekistonda banan narxi oshib bormoqda. Endi meva iste’moli kamayadimi?
Izoh (0)