Ўзбекистон 2022 йилнинг январь ноябрь ойларида 127,2 минг тонна банан импорт қилган. Бу ҳақда Давлат статистика қўмитаси матбуот хизмати хабар бермоқда.
Банан импорти ҳажми ўтган йилнинг мос даври билан солиштирилганда 57,4 минг тоннага ошган.
2022 йилнинг 11 ойида Ўзбекистон энг кўп банан импорт қилган давлатлар орасида ҳамон Эквадор етакчилик қилмоқда — 125,9 тонна. Ўтган ойнинг ўзида Эквадордан 23,4 минг тонна олиб келинган.
Ноябрь ойига қадар Ўзбекистонга бананлар тўрт ой давомида фақат ушбу давлатдан келтирилган эди. Бироқ ўтган ойда Туркманистондан Ўзбекистонга катта миқдорда банан келтирилган.
Бу орқали йил бошидан бери Туркманистондан импорт қилинган банан улуши 324 тоннага етган ва жами банан импорт қилувчи мамлакатлар орасида учинчи ўринда бормоқда.
Январь—ноябрь ойларида Эквадор ва Туркманистондан ташқари Ўзбекистонга банан Қозоғистон (426 тонна), Туркия (197 тонна) ва Ҳиндистондан (144 тонна) импорт қилинган.
Бироқ ушбу давлатлардан банан Ўзбекистонга июнь ойидан бери импорт қилинмаяпти.
Мавзуга доир:
Йил бошидан бери Ўзбекистонда банан нархи 16,9 фоизга ошгани маълум бўлди
Ўзбекистонда банан нархи ошиб бормоқда. Энди мева истеъмоли камаядими?
Изоҳ (0)