Namangan shahrining Davlatobod tumanida harakatlanib ketayotgan Matiz’da yong‘in chiqdi. Bu haqda viloyat FVB matbuot xizmati xabar berdi.
19-dekabr kuni soat 22:05 da Namangan shahar Favqulodda vaziyatlar bo‘limiga Davlatobod tumani “Yuqori g‘irvon” mahalla fuqarolar yig‘ini G‘irvonsoy ko‘chasida harakatlanib ketayotgan Matiz’da yong‘in sodir bo‘layotgani haqida xabar kelib tushgan. Xabarga asosan soat 22:11 da voqea joyiga yong‘in qurqaruv ekipaji yetib borgan va soat 22:15 da yong‘in to‘liq bartaraf etilgan.
Yong‘in natijasida avtomobilning salon, oldi kuzov va motor qismi yonib zararlangan. Yong‘inda kuyib tan jarohati olganlar yo‘q.
Ayni paytda sodir bo‘lgan yong‘in yuzasidan tergovga qadar surushtiruv ishlari olib borilmoqda.
Izoh (0)