Наманган шаҳрининг Давлатобод туманида ҳаракатланиб кетаётган Matiz’да ёнғин чиқди. Бу ҳақда вилоят ФВБ матбуот хизмати хабар берди.
19 декабрь куни соат 22:05 да Наманган шаҳар Фавқулодда вазиятлар бўлимига Давлатобод тумани «Юқори ғирвон» маҳалла фуқаролар йиғини Ғирвонсой кўчасида ҳаракатланиб кетаётган Matiz’да ёнғин содир бўлаётгани ҳақида хабар келиб тушган. Хабарга асосан соат 22:11 да воқеа жойига ёнғин қурқарув экипажи етиб борган ва соат 22:15 да ёнғин тўлиқ бартараф этилган.
Ёнғин натижасида автомобилнинг салон, олди кузов ва мотор қисми ёниб зарарланган. Ёнғинда куйиб тан жароҳати олганлар йўқ.
Айни пайтда содир бўлган ёнғин юзасидан терговга қадар суруштирув ишлари олиб борилмоқда.
Изоҳ (0)