Fransiya terma jamoasi bosh murabbiyi Didye Desham JCH—2022 finali doirasida Argentinaga qarshi kechadigan bahs oldidan o‘z fikrlari bilan o‘rtoqlashdi.
“Fransiyaning maqsadi haqida
Menda final oldidan o‘ziga xos xavotir va stress yo‘q. Bunday o‘yinlarga tayyorgarlik ko‘rar ekansan, konsentratsiyani saqlash kerak. Bizning maqsad — titulni qo‘lga kiritish. Bilaman, butun Argentina, dunyo bo‘ylab ko‘plab muxlislar va, ehtimol, ayrim fransuzlar Messining jahon chempioni bo‘lishini istamoqda. Biroq biz o‘z maqsadimiz uchun barcha ishni qilamiz.
Argentinaning taktikasi borasida
Adashmasam, hozir bu yerda JCH—2018 da to‘p surgan yetti nafar argentinalik bor. Bu aniq avvalgi jamoa emas va solishtirishda mantiq yo‘q, to‘rt yil oldin 1/8 final edi.
Boshqa tomondan turli taktika va futbolchilar bilan harakat qilgan olti o‘yin bizga yordam beradi. Bizning uch nafar kuzatuvchi ularning barcha o‘yinini ko‘rib chiqdi, bu bizga aniq ma’lumotlar olishga imkon beradi.
Hatto Argentina finalda yangicha biror uslub qo‘llasa ham biz Marokashga qarshi o‘yindagi kabi vaziyatga moslashamiz. Marokashliklar o‘sha bahsda birinchi marta besh himoyachi bilan harakat qildi. Har qanday vaziyatga tayyor turish lozim.
Mbappe haqida
Gap gapiryapti? Gapirish vaqti kelganda, u bu ishni qiladi. U bor e’tiborini maydonga qaratgan, ajoyib kayfiyatda bo‘lib turibdi. Uning xotirjamligini buzish niyatim yo‘q. Uning diqqat-e’tibori jamoada.
Benzemaning finalga kelish-kelmasligi borasida
Agar bunga javob bermasa, siz jahl qildi deysiz, shu bois aytib o‘tmoqchiman.
Musobaqa oldidan jarohat olgan bir necha futbolchi bor edi va Karim ular qatorida. O‘sha vaqtdan beri mening tasarrufimda 24 futbolchi bor. Bunday savol berish yumshoq qilib aytganda o‘sha 24 futbolchiga nisbatan hurmatsizlik.
Men jarohatlanganlar yoki terma jamoaning sobiq futbolchilarini taklif qilish bilan shug‘ullanmayman. Kimdir u yerda bo‘ladi, boshqasi yo‘q, men bilmayman”, — deydi Desham.
Argentina va Fransiya terma jamoalari o‘rtasidagi uchrashuv 18-dekabr kuni O‘zbekiston vaqti bilan 20:00 da boshlanadi.
Mavzuga doir: Karim Benzema Fransiya terma jamoasi bazasini bosh murabbiy qaroriga ko‘ra tark etgan
Izoh (0)