O‘ta yengil vazn toifasi vakili Saidyoqub Qahramonov (10-3) O‘zbekiston vaqti bilan 18-dekabr tongida UFC’dagi uchinchi jangida ishtirok etdi.
O‘zbekistonlik sportchiga mazkur musobaqada Rossiya vakili Said Nurmagomedov (17-2) raqib bo‘ldi.
Birinchi raund to‘liq Saidyoqubning ustunligida o‘tdi. Ikkinchi raundda ham faollik Qahramonov tomonida edi, biroq Nurmagomedov raund o‘rtasida raqibini bo‘g‘ish usuli bilan taslim etdi.
Shu tariqa Qahramonov UFC’dagi ilk va faoliyatidagi uchinchi mag‘lubiyatni qabul qilib oldi.
Saidyoqub promoushenda bundan avvalgi jangini iyul oyida o‘tkazib, unda Ronni Lourensni mag‘lubiyatga uchratgandi. Unga qadar Qahramonov UFC’dagi debyut jangini Guam vakili Trevin Jonsga qarshi o‘tkazib, raqibini bo‘g‘ish usuli bilan mag‘lub etgandi.
Izoh (0)