Shavkat Mirziyoyev 7 nafar rahbarga hayfsan berdi

Shavkat Mirziyoyev raisligidagi yig‘ilishda davlat rahbari so‘nggi kunlarda aholini qiynayotgan energiya ta’minoti masalasiga to‘xtalib, zarur choralarni ko‘rmagani uchun 7 nafar rahbarga hayfsan berdi.

“Kuni kecha Uchtepani aylanib, pastdagi ahvol bo‘yicha xulosalarimni qildim. Ichki ko‘chalar, uy-joylar oldi tozaligini ham sizlarga prezident aytishi kerakmi?” — davom etdi Prezident.

Hududlarga so‘nggi yillarda 30 mingdan ortiq shtat berilib, mahallalarda sharoitlarni yaxshilash uchun bu yilning o‘zida 12 trillion so‘m berilgani ko‘rsatib o‘tildi. Tuman hokimining 6—7 nafar o‘rinbosari, 4 ta sektor rahbari, mahalla raislari, boshqaruv kompaniyalari shu oddiy ishlarni qila olmagani, xonadonlarga kirib, aholi bilan muloqot qilmagani tanqid ostiga olindi.

Yo‘l qo‘yilgan xato va kamchiliklar uchun

• bosh vazirning birinchi o‘rinbosari A.Ramatov;
• “O‘zbekneftgaz” raisi M.Abdullayev;
• “Issiqlik elektr stansiyalari” raisi F.Abduraxmanov;
• “O‘zbekiston milliy elektr tarmoqlari” raisi D.Isakulov;
• “Hududiy elektr tarmoqlari” raisi U.Mustafoyev;
• “O‘ztransgaz” raisi B.Normatov;
• “Hududgazta’minot” raisi B.Eshmurodovga hayfsan berildi.

Mavzuga doir:

• “Ular qishga tayyorgarlikni barbod qildi, shuncha qilayotgan islohotlarimizni obro‘sizlantirdi” — Mirziyoyev rahbarlar haqida
• “Bu viloyatlar hokimi, prokurori, ichki ishlar idoralari nima bilan band?” Prezident energiya resurslaridagi o‘g‘riliklarga to‘xtaldi