Indoneziyada 15-iyul kuni dengizda bedarak yo‘qolgan 11 kishi qutqarib qolindi. Ularning qayig‘i noqulay ob-havo tufayli ag‘darilib ketgan va ekipaj eng yaqin orolga 6 soat suzib borishga majbur bo‘lgan. Bu haqda Arab News xabar berdi.
Rasmiylarning ta’kidlashicha, qayiq G‘arbiy Sumatra provinsiyasidagi Mentavay orollarida 14-iyul kuni soat 11:00 atrofida halokatga uchragan. Bortda 18 nafar ekipaj bo‘lgan. Hodisa sodir bo‘lgan vaqtda kuchli yomg‘ir yog‘ayotgan edi. Ba’zi yo‘lovchilar 6 soat davomida suzib, eng yaqin orolga yetib olgan.
“Ekipajning 7 nafari avvalroq qutqarilgan edi. Bortdagilarning 10 tasi Tuapejat shahriga xizmat safariga borgan mahalliy hukumat amaldorlari bo‘lgan” deyiladi rasmiy bayonotda.
Mentavay orollari 4 ta asosiy va bir qancha kichikroq orollardan iborat. Qayiq va paromlar 17 000 dan ortiq orollardan iborat Indoneziya arxipelagida muntazam harakatlanadi. Bu yerda baxtsiz hodisalar odatda noqulay ob-havo sabab yuzaga keladi.
Shu oyda Bali turistik kurort oroli yaqinida bortida 65 kishi bo‘lgan parom cho‘kib ketgandi. Ekipajning 30 nafar yo‘lovchisi omon qolib, 18 kishi halok bo‘lgan. Yana 17 kishi bedarak yo‘qolgandi.
Izoh (0)