Bugun,

  • USD 11095.31
  • RUB 173.84
  • EUR 10772.44

Osiyo taraqqiyot banki (OTB) global prognozning yomonlashuvi fonida rivojlanayotgan Osiyo va Tinch okeani mintaqasi uchun iqtisodiy o‘sish prognozlarini pasaytirdi. Bu haqda “Daryo”ga bank hisobotidan ma’lum bo‘ldi.

Foto: Bloomberg

Foto: Bloomberg

Mintaqa iqtisodiyoti joriy yilda 4,2 foizga, kelasi yilda esa 4,6 foizga o‘sadi, — deyiladi OTB bayonotida.

OTB sentabr oyida iqtisodiyot 2022-yilda 4,3 foizga, 2023-yilda esa 4,9 foizga o‘sishini prognoz qilgan edi.

Markaziy banklar tomonidan global va mintaqa pul-kredit siyosatining keskinlashuvi, Ukrainadagi urushning uzoq davom etishi va Xitoyning takroriy lokdaunlari Osiyoning COVID-19 pandemiyasidan tiklanish jarayonini sekinlashtirmoqda.

Koronavirusga nisbatan “nol bardoshlilik” yondashuvi ostidagi cheklovlar, mulk bozoridagi murakkab vaziyat bilan bir qatorda, Xitoyning iqtisodiy o‘sish prognozining yana bir bor pasayishiga olib keldi.

Osiyo va Tinch okeani mintaqasi tiklanishda davom etadi. Biroq global sharoitning yomonlashuvi yangi yil arafasida jadallik biroz pasayayotganini anglatadi, — dedi OTB bosh iqtisodchisi Albert Park.

OTB joriy yilda rivojlanayotgan Osiyo va Tinch okeani mintaqasidagi inflyatsiya prognozini 4,5 foizdan 4,4 foizgacha pasaytirdi.

Biroq bank energiya va oziq-ovqat mahsulotlarining uzoq davom etayotgan inflyatsiya bosimi tufayli kelgusi yil uchun prognozini 4 foizdan 4,2 foizgacha oshirdi.

Xitoy iqtisodiyoti bu yil oldingi 3,3 foizlik prognozga nisbatan 3 foizga o‘sishi prognoz qilinmoqda. Global iqtisodiy sekinlashuv tufayli kelgusi yil uchun prognoz 4,5 foizdan 4,3 foizgacha qisqartirildi.

 

Hindiston uchun yalpi ichki mahsulotning o‘sishi prognozlari joriy yilda 7 foiz va keyingi moliyaviy yilda 7,2 foiz darajasida saqlanib qoldi.

Rivojlanayotgan Osiyo prognozlari pasaytirilgan bo‘lsa ham, ko‘rsatkichlar o‘sish va inflyatsiya bo‘yicha global miqyosdagi boshqa mintaqalarga qaraganda yaxshiroligicha qoldi.

Malayziya, Filippin, Tailand va Vetnamda kuchli iste’mol va turizm tiklanishi sharoitida OTBning Janubi—Sharqiy Osiyo uchun bu yilgi o‘sish prognozi 5,1 foizdan 5,5 foizga ko‘tarildi.

Kelgusi yil uchun prognozlar global talabning zaiflashishi tufayli 5 foizdan 4,7 foizgacha tushirildi.

Bu yil Kavkaz va Markaziy Osiyo uchun o‘sish prognozi 3,9 foizdan 4,8 foizga, Tinch okeani mintaqasi bo‘yicha prognoz esa Fijida turizmning kuchli tiklanishi tufayli 4,7 foizdan 5,3 foizga ko‘tarildi.

Avvalroq xalqaro agentlik O‘zbekiston iqtisodiy o‘sish prognozlarini yaxshilagani haqida xabar berilgandi.

Izoh
Asosiy yangiliklar
Mahalliy
O‘zbekistonda Urug‘chilik hamda pistachilik ilmiy markazlari tashkil etiladi
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Shou-biznes
Yillar davomida tanib bo‘lmas darajada o‘zgargan Gollivud aktyorlari (foto)