Kecha, 14-dekabr kuni O‘zbekiston elektr stansiyalari orqali 226,2 million kVt/soat elektr energiyasi ishlab chiqarilgan. Shundan iste’molchilarga 224,2 million kVt/soat elektr energiyasi yetkazib berildi. Bu haqda Energetika vazirligi xabar berdi.
Vazirlikka ko‘ra, kecha gaz ta’minoti korxonalari iste’molchilarga 151 million kub metr tabiiy gaz yetkazib berilgan. Shundan aholiga 73 million kub metr, yuridik korxonalarga 78 million kub metr gaz taqsimlangan. Shuningdek, sutka davomida iste’molchilarga 1 ming 900 tonna suyultirilgan gaz, 10 ming 600 tonna mahalliy ko‘mir yetkazib berilgan.
“Korxonalarda qazish va ishlab chiqarish ishlari o‘rnatilgan tartibda bajarilmoqda. Barcha korxonalarda shtablar tuzilib, 24 soatlik navbatchilik tashkil qilingan. Respublikaning ayrim hududlarida elektr energiyasi ta’minotida cheklovlar (1,5 – 2 soatgacha) kiritildi.
Ta’minotdagi uzilishlar bo‘yicha iste’molchilardan 479 ta murojaat kelib tushdi. Murojaatlar asosida elektr qurilmalarida yuzaga kelgan nosozliklar maxsus brigadalar tomonidan bartaraf etildi.
Shu bilan birga, gaz quvurlarida bosimning me’yordan pastligi sababli Toshkent, Farg‘ona, Andijon, Namangan, Samarqand, Surxondaryo viloyatlari va Toshkent shahrining ayrim hududlarida tabiiy gaz yetib borishida uzilishlar kuzatilgan”, – deyiladi axborotda.
Energetika vazirligining “Daryo”ga ma’lum qilishicha, hozirgi holatda iste’molchilarga elektr va gaz yetkazib berishda 8 foiz taqchillik mavjud.
Izoh (1)
aholida svet uchish 8 fiizdan kup