Argentina terma jamoasi hujumchisi Lionel Messi JCH—2022 yarim finali doirasida Xorvatiyaga qarshi kechgan o‘yinda (3:0) gol va golli uzatma amalga oshirdi.
Bu argentinalik futbolchi uchun Jahon Chempionatlaridagi 11-gol bo‘ldi, assistlari soni esa 8 taga yetdi. Messi faoliyatini davom ettirayotgan futbolchilar orasida Tomas Myullerni (10) ortda qoldirib, mundialda eng ko‘p gol urgan o‘yinchiga aylandi.
Leo bu borada argentinaliklar rekordchisi Gabriel Batistutani (10) ham ortda qoldirdi. Umumiy ro‘yxat yetakchisi Miroslav Kloze hisobda 16 ta gol mavjud.
Shuningdek, Messi mundiallar tarixidagi eng yaxshi assistent hisoblangan Diyego Maradonaga (8) yetib oldi. Mazkur statistika 1966-yildan beri hisoblab kelinadi.
Izoh (0)