Zlatko Dalich Argentinaga qarshi bahs haqida: “Biz ularning o‘yin uslubiga moslashmaymiz”

Xorvatiya terma jamoasi bosh murabbiyi Zlatko Dalich JCH—2022 yarim finalidan oldin o‘z fikrlarini bildirib o‘tdi.

Biz dunyoning eng kuchli to‘rt jamoasidan biriga aylandik, bu Xorvatiya uchun ulkan yutuq. Ketma-ket ikki mundialdan buyon bu vazifani uddalayotganimiz, albatta, yaxshi. Endi undan ham ko‘prog‘ini xohlaymiz.

Biz ajoyib formadagi Argentinaga qarshi maydonga tushamiz. Leo Messi boshchiligidagi ajoyib jamoa. O‘z futbolchilarimga ishonaman. Biz ularning o‘yin uslubiga moslashmaymiz. Xorvatiya o‘z o‘yinini Argentinaga singdiradi.

Xorvatiyada hamon kuch borligi haqida

Ikkita penaltilar seriyasigacha bo‘lgan o‘yinlarda ishtirok etib, ancha quvvatimizni yo‘qotdik. Biroq biz Jahon Chempionati yarim finalidamiz, shuning uchun kuchimiz qolmagani haqida gapirishdan ma’no yo‘q. Bizda hamon kuch bor, bunga shubha qilish kerakmas. Boshqa o‘yinlardagi singari maksimum harakat qilamiz.

Yaxshi vaziyatdamiz — jarohatlardan muammolar yo‘q, yigitlar sog‘lom va yaxshi formada. Ular yetarlicha dam oldi, deb o‘ylayman. Ulardan “charchadingmi?”, deb so‘ramayman. Futbolchilar charchashni istamaydi.

Zlatko Dalich, Xorvatiya terma jamoasi bosh murabbiyi