Аргентина терма жамоаси ҳужумчиси Лионель Месси ЖЧ—2022 ярим финали доирасида Хорватияга қарши кечган ўйинда (3:0) гол ва голли узатма амалга оширди.
Бу аргентиналик футболчи учун Жаҳон Чемпионатларидаги 11-гол бўлди, ассистлари сони эса 8 тага етди. Месси фаолиятини давом эттираётган футболчилар орасида Томас Мюллерни (10) ортда қолдириб, мундиалда энг кўп гол урган ўйинчига айланди.
Лео бу борада аргентиналиклар рекордчиси Габриэль Батистутани (10) ҳам ортда қолдирди. Умумий рўйхат етакчиси Мирослав Клозе ҳисобда 16 та гол мавжуд.
Шунингдек, Месси мундиаллар тарихидаги энг яхши ассистент ҳисобланган Диего Марадонага (8) етиб олди. Мазкур статистика 1966 йилдан бери ҳисоблаб келинади.
Изоҳ (0)