Boks bo‘yicha O‘zbekiston chempionati. Hasanboy Do‘stmatov va Miraziz Mirzaxalilov oltin medal sohibiga aylandi

Boks bo‘yicha O‘zbekiston chempionatining erkaklar o‘rtasidagi final bahslari start oldi.

Unda -51 kg vazn toifasida Hasanboy Do‘stmatov ukasi Fayozbek Do‘stmatovga qarshi jangda ishtirok etishi lozim edi. Ring anonserlari tomonidan Fayozbek yarim finaldagi qo‘pol harakati uchun finaldan chetlatilgani aytildi. Shu tariqa Hasanboy oltin medal sohibiga aylandi.

• -48 kg vazn toifasida Nodirjon Mirzaahmedov farg‘onalik Shodiyor Meliqo‘ziyevga qarshi ringga chiqdi va g‘alaba qozondi.
• -54 kg vazn toifasida Buxoro vakili Shahzod Muzaffarov finalda Oybek Jo‘rayevni mag‘lub etib, oltin medal sohibiga aylandi.
• -57 kg vazn toifasida Miraziz Mirzaxalilov Samandar Xolmurodov ustidan zafar quchdi va chempionga aylandi.
• -60 kg Dilshod Abdumurodov Aydos Tagaybayevni mag‘lub etdi.