Ispaniya terma jamoasi sobiq bosh murabbiyi Luis Enrike JCH—2022 yarim finalchilar va terma jamoadan ketishiga oid savollarga javob qaytardi.
JCH—2022 haqidaEnrike qo‘l ostidagi Ispaniya terma jamoasi JCH—2022 nimchorak finalida Marokashga penaltilar seriyasida yutqazib qo‘ydi va musobaqani tark etdi. Mundialdan keyin Ispaniya futbol federatsiyasi mutaxassis bilan xayrlashishni ma’qul ko‘rdi. Uning o‘rnini Luis de la Fuente egalladi.Futbol shunday sport turiki, jamoa umuman hujum qilmasdan ham yutishi mumkin. Biroq bu Marokashga tegishli emas, ularda bizga qarshi o‘yinda imkoniyatlar bo‘ldi.
Mundialga tayyorgarlik ko‘rish uchun bizning yosh jamoada to‘rt yil vaqt bor edi va biz juda yaxshi imkoniyatni qo‘ldan boy berdik. Yarim finalchilarga qarab, u yerda bizdan kuchliroq hech qaysi jamoani ko‘rmayapman. O‘yin tomonlama qaralsa, biz yaxshi imkoniyatni qo‘ldan chiqardik.
Yaponiyaga qarshi o‘yinda ham yaxshi darajada harakat qildik, 12 daqiqani hisobga olmasak. Keyin esa Marokashga qarshi bahsda muammo yuzaga keldi.
Ispaniya terma jamoasidan ketgani borasida
Men bilan birinchi marta shartnomani uzaytirishmadi. Shunaqasini ma’qul ko‘raman. Agar ishonch bo‘lmasa, seni ish uchun maqbul variant sifatida ko‘rishmasa, bajonidil keyingi marra sari intilaman.
Yevro—2020 dan keyin bitimni uzaytirishni taklif qilishdi, biroq bu ishni mundial oxiriga qoldirib, rad javobini berdim. Bu to‘g‘ri yo‘l bo‘lgan deb o‘ylayman.
Kelajagim borasida o‘zim qaror chiqaraman deb o‘ylagandim, biroq bu ishni qilishga ham to‘g‘ri kelmadi. Endi erkinman. Murabbiylikda davom etaman, o‘zimni klub futbolida ko‘ryapman va terma jamoa bilan qila olmagan ishimni o‘sha yerda amalga oshirmoqchiman. Bu bosqich yakunlandi va katta ehtimol kelasi mavsum boshiga qadar tanaffus qilaman.
Luis Enrike
Mavzuga doir:
Izoh (0)