Испания терма жамоаси собиқ бош мураббийи Луис Энрике ЖЧ—2022 ярим финалчилар ва терма жамоадан кетишига оид саволларга жавоб қайтарди.
ЖЧ—2022 ҳақидаЭнрике қўл остидаги Испания терма жамоаси ЖЧ—2022 нимчорак финалида Марокашга пенальтилар сериясида ютқазиб қўйди ва мусобақани тарк этди. Мундиалдан кейин Испания футбол федерацияси мутахассис билан хайрлашишни маъқул кўрди. Унинг ўрнини Луис де ла Фуэнте эгаллади.Футбол шундай спорт турики, жамоа умуман ҳужум қилмасдан ҳам ютиши мумкин. Бироқ бу Марокашга тегишли эмас, уларда бизга қарши ўйинда имкониятлар бўлди.
Мундиалга тайёргарлик кўриш учун бизнинг ёш жамоада тўрт йил вақт бор эди ва биз жуда яхши имкониятни қўлдан бой бердик. Ярим финалчиларга қараб, у ерда биздан кучлироқ ҳеч қайси жамоани кўрмаяпман. Ўйин томонлама қаралса, биз яхши имкониятни қўлдан чиқардик.
Японияга қарши ўйинда ҳам яхши даражада ҳаракат қилдик, 12 дақиқани ҳисобга олмасак. Кейин эса Марокашга қарши баҳсда муаммо юзага келди.
Испания терма жамоасидан кетгани борасида
Мен билан биринчи марта шартномани узайтиришмади. Шунақасини маъқул кўраман. Агар ишонч бўлмаса, сени иш учун мақбул вариант сифатида кўришмаса, бажонидил кейинги марра сари интиламан.
Евро—2020 дан кейин битимни узайтиришни таклиф қилишди, бироқ бу ишни мундиал охирига қолдириб, рад жавобини бердим. Бу тўғри йўл бўлган деб ўйлайман.
Келажагим борасида ўзим қарор чиқараман деб ўйлагандим, бироқ бу ишни қилишга ҳам тўғри келмади. Энди эркинман. Мураббийликда давом этаман, ўзимни клуб футболида кўряпман ва терма жамоа билан қила олмаган ишимни ўша ерда амалга оширмоқчиман. Бу босқич якунланди ва катта эҳтимол келаси мавсум бошига қадар танаффус қиламан.
Луис Энрике
Мавзуга доир:
Изоҳ (0)