Bugun,

  • USD 11095.31
  • RUB 173.84
  • EUR 10772.44

NATO davlatlari Afg‘oniston milliy armiyasini qo‘llab-quvvatlash uchun ajratilgan 3,4 milliard dollarni Ukrainaga berishga qaror qilishi mumkin. Bu haqda munozaradan xabardor g‘arb shaxslarga tayanib, Politico xabar berdi.

Foto: nato.int

Foto: nato.int
Alyansda Afg‘oniston milliy armiyasini qo‘llab-quvvatlash bo‘yicha jamg’arma mavjud bo‘lib, u harbiy texnika yetkazib berish va harbiylarni o‘qitishga qaratilgan. Kiyev NATOdan Rossiyaga qarshi kurashda yordam berish uchun 3,4 milliard dollarning bir qismini o‘tkazish masalasini ko‘rib chiqishni so‘ragan.

NATOda bunday qaror qabul qilishda jiddiy to‘siqlar yo‘q. Bu ba’zi mamlakatlar Ukrainaga harbiy yordam berish borasida ichki keskinlikka duch kelishi fonida yuz bermoqda. G‘arb qo‘shinlari Afg‘onistondan olib chiqib ketilganidan keyin jamg‘arma faoliyati muzlatib qo‘yilgan. Alyans pullarning mamlakatlarga qaytarilishi yoki boshqa dasturlarga o‘tkazishni ko‘rib chiqmoqda. Har bir davlat o‘z pullarini qanday boshqarishni o‘zi hal qilishi kerak. Ayrim davlatlar Ukrainaga qisman yoki to‘liq pul o‘tkazish masalasini ko‘rib chiqishga tayyorligini bildirgan.

Politico nashri xabar yuzasidan Ukraina rasmiylariga yuzlangan, biroq ular izoh berishdan bosh tortgan, NATO donor mamlakatlarga mablag‘larni qaytarish masalasi ko‘rib chiqilayotganini ta’kidlagan. Litva va Niderlandiya Afg‘oniston jamg‘armasi mablag‘larining bir qismini yoki to‘lig‘ini Ukrainaga berishga tayyorligini bildirgan.

Eslatib o‘tamiz, Ukraina tashqi ishlar vaziri Dmitriy Kuleba NATO mamlakatlarini Ukrainaga iloji boricha tezroq qurol-yarog‘ yuborishga va G‘arbda yangi qurol ishlab chiqarish korxonalarini ochishga chaqirgandi.

Mavzuga doir:

Izoh
Asosiy yangiliklar
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi