Belarusda davlatga xiyonat qilgan mansabdor shaxslar va harbiylar uchun o‘lim jazosi joriy etiladi. Bu haqda “Interfaks” xabar berdi.
Mamlakatda deputatlar bu bo‘yicha “Jinoiy javobgarlik to‘g‘risidagi kodekslarni o‘zgartirish to‘g‘risida”gi qonun loyihasini birinchi o‘qishda qabul qilgan.
“Buzg‘unchi unsurlarga, davlatga xiyonat qilishga qarshi qat’iy kurashni namoyish etish uchun Jinoyat kodeksining 356-moddasi 2-qismiga o‘zgartirish kiritish taklif etilmoqda. Unda mansabdor yoki harbiy xizmatchi maqomiga ega shaxsga nisbatan davlatga xiyonat qilganligi uchun o‘lim jazosi qo‘llash nazarda tutilgan”, — deyiladi xabarida.
Ta’kidlanishicha, qonun loyihasi Belarus armiyasini obro‘sizlantiradigan, iqtisodiy va harbiy xavfsizlikka zarar yetkazadigan va yolg‘on ma’lumot tarqatganlik uchun jinoyat qonunchiligiga bir qator o‘zgartirishlar kiritadi.
Ma’lumot o‘rnida, Belarusda Mudofaa vazirligi qurolli kuchlarning jangovar tayyorgarligi bo‘yicha mashg‘ulotlar boshlangan. U qo‘shinlarning jangovar va safarbarlik tayyorgarligini talab darajasida tekshirish, harbiy qo‘mondonlik va nazorat organlarining hamjihatligini oshirishni o‘z ichiga oladi.
Izoh (0)