Amerikaning elektromobil ishlab chiqaruvchi Tesla kompaniyasi Xitoy bozoridan 435 mingdan ortiq Model 3 va Model Y avtomobillarini to‘xtash chiroqlari bilan bog‘liq muammolar tufayli qaytarib oladi. Bu haqda Sinxua agentligiga tayanib, “TASS” xabar bermoqda.
Ma’lumotlarga ko‘ra, avtomobillarni ishga tushirishda dasturiy xatolik tufayli elektromobillarning ikkala yoki bir tomonidagi orqa chiroqlar ishlamasligi mumkin. Bu yomon ko‘rish sharoitida to‘qnashuv xavfini oshiradi.
Agentlik ma’lumotlariga ko‘ra, 2020-yil dekabridan 2022-yil noyabrigacha ishlab chiqarilgan 142 mingta Model 3 avtomobili va 2021-yil yanvaridan 2022-yil noyabrigacha konveyerdan chiqqan 293 mingga yaqin Model Y avtomobillari chaqirib olinmoqda. Tesla muammoni hal qilish uchun dasturiy ta’minot yangilanishini ma’lum qilgan.
Avvalroq Tesla dasturiy ta’minotdagi muammo tufayli Xitoydan 80 mingta elektromobilini qaytarib olishi haqida xabar berilgan edi.
Izoh (0)