Toshkent shahar, Yashnobod tumani, Qorasuv ko‘chasidagi sport markazining ustav fondidagi davlat ulushi kimoshdi savdosiga qo‘yildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligi Toshkent shahar hududiy boshqarmasi tomonidan qo‘yilgan.
“Aviasozlar” sport markazining ustav kapitali 5 trln so‘mni tashkil qiladi. Uning umumiy yer maydoni 0,76 gektar. Markazning:
- aylanma aktivlari — 35,1 mln so‘m;
- debitorlik qarzlari — 18,1 mln so‘m;
- kreditorlik qarzlari — 59 mln so‘m.
Lot izohida yozilishicha, auksion g‘olibi jamiyatning barcha kreditorlik va debitorlik qarzdorliklari bilan birgalikda qabul qiladi.
Auksionga qo‘yilgan sport markazining boshlang‘ich bahosi — 29,5 mlrd so‘m. Arizalar 2-yanvar 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent viloyatidagi parranda fabrikasi 35 mlrd so‘mga auksionga qo‘yilgani haqida xabar berilgan edi.
Izoh (0)