Американинг электромобиль ишлаб чиқарувчи Tesla компанияси Хитой бозоридан 435 мингдан ортиқ Модель 3 ва Model Y автомобилларини тўхташ чироқлари билан боғлиқ муаммолар туфайли қайтариб олади. Бу ҳақда Sinxua агентлигига таяниб, «ТАСС» хабар бермоқда.
Маълумотларга кўра, автомобилларни ишга туширишда дастурий хатолик туфайли электромобилларнинг иккала ёки бир томонидаги орқа чироқлар ишламаслиги мумкин. Бу ёмон кўриш шароитида тўқнашув хавфини оширади.
Агентлик маълумотларига кўра, 2020 йил декабридан 2022 йил ноябригача ишлаб чиқарилган 142 мингта Модель 3 автомобили ва 2021 йил январидан 2022 йил ноябригача конвеердан чиққан 293 мингга яқин Model Y автомобиллари чақириб олинмоқда. Tesla муаммони ҳал қилиш учун дастурий таъминот янгиланишини маълум қилган.
Аввалроқ Tesla дастурий таъминотдаги муаммо туфайли Хитойдан 80 мингта электромобилини қайтариб олиши ҳақида хабар берилган эди.
Изоҳ (0)