Bugun,

  • USD 11095.31
  • RUB 173.84
  • EUR 10772.44

Indoneziyaning Yava orolida Semeru vulqoni otilib, taxminan 15 km balandlikka kul otdi, deya xabar berdi Indoneziya Energetika va mineral resurslar vazirligining vulqon va geologik ofatlarni yumshatish markazi (PVMBG).

Sharqiy Yava provinsiyasidan odamlarni evakuatsiya qilish boshlandi. Vayronagarchilik va qurbonlar haqida hozircha ma’lumot yo‘q.

Vulqon munosabati bilan Yaponiya meteorologiya boshqarmasi Okinava janubiy prefekturasidagi Miyako va Yaeyama orollarini sunami xavfidan ogohlantirdi.

Qayd etilishicha, Indoneziyadagi vulqon kuli janubga qarab ketmoqda. Issiq bulutlarning surilishi masofasi 5–7 km ga baholanmoqda

Tabiiy ofat avvaliga xavfning uchinchi darajasi sifatida belgilandi, keyinroq, PVMBG rahbari Xendra Gunavan bu maksimal, to‘rtinchi darajaga ko‘tarilganini ma’lum qildi.

Semeru Yavadagi eng baland vulqon — 3676 metr. Bir yil avval 5-dekabr kuni Semeru otilishi oqibatida 50 kishi halok bo‘lgan edi.

Izoh
Asosiy yangiliklar
Dunyo
Turkiya va Suriyadagi zilzilada halok bo‘lganlar soni 9 mingdan oshdi
Mahalliy
Shavkat Mirziyoyev Toshkent yerusti metrosining qurilish ishlari bilan tanishdi 
Mahalliy
Mudofaa vazirligida qator tayinlovlar amalga oshirildi