«Газпром» 2022 йилнинг 11 ойи якунларини газ қазиб олиш ва етказиб бериш бўйича сарҳисоб қилди.
Унга кўра компаниянинг МДҲдан ташқари давлатларга газ экспорти 95,2 миллиард куб метрни ташкил этди. Бу 2021 йилнинг шу даврига нисбатан кам 44,5 фоизга камдир.
Европа Иттифоқида газ истеъмолининг камайиши дунёда газга бўлган талабни камайтиришнинг асосий омилига айланди, дея таъкидлади «Газпром».
2022 йилнинг 11 ойи давомида, дастлабки ҳисоб-китобларга кўра, жаҳонда газга бўлган талаб 55 миллиард куб метрга камайган. Асосан Европа ҳисобига.
Мазкур даврда Европа Иттифоқининг 27 давлатида газ истеъмолининг камайиши тахминан 50 миллиард куб метрни ташкил этган.
«Газпром»нинг Европа газ экспорти камайган бўлишига қарамай, «Сибир қудрати» газ қувури орқали Хитойга етказиб бериши ортиб бормоқда.
Аввалроқ Германиянинг Uniper компанияси «Газпром»ни 11,6 миллиард евролик зарар учун судга берган эди. «Газпром» Uniper’нинг зарарни қоплаш бўйича даъволарини ноқонуний деб ҳисоблашини маълум қилган.
Изоҳ (0)