Fransiya bosh vaziri Elizabet Born mamlakatda so‘nggi paytlarda kuniga 40 mingdan ortiq odamda koronavirus aniqlanayotgani va epidemiya kuchayib borayotgani haqida ma’lum qildi.
“Epidemiya qaytmoqda. Bu yangi to‘lqin bizga shuni eslatadiki, virus yo‘qolgani yo‘q, epidemiya bizga yana zarba bermoqda, o‘ldirmoqda”, — deya Bornning so‘zlarini keltirdi fransuz matbuoti.
Bosh vazirning aytishicha, bir hafta ichida koronavirus bilan kasallanganlar orasida kasalxonaga yotqizilganlar soni 10 foizga oshgan. Uning ta’kidlashicha, o‘tgan haftada 400 kishi COVID-19 asoratidan vafot etgan.
Born ehtiyot choralarini ko‘rish muhimligini ta’kidlab, aholini masofani saqlashga va, xususan, jamoat transportida niqob taqishga chaqirdi.
Izoh (0)