Bugun,

  • USD 11095.31
  • RUB 173.84
  • EUR 10772.44

Koronavirus omikron shtammining BQ.1 va BQ.1.1 (“serber”) variantlari boshqalariga nisbatan yuqumliroq deb baholandi. Bu haqda “RBK” “Rospotrebnadzor”ga tayanib xabar bermoqda. Ular Rossiyada birinchi marta 26-oktabr kuni qayd etilgan edi.

Foto: “RBK”

Foto: “RBK”

“Ular yuqori darajali transmissivligi bilan farq qiladi, ya’ni odamdan odamga koronavirusning boshqa variantlaridan ham tezroq yuqadi”, — deya ogohlantirdi idora.

Koronavirusning BQ.1.1 “serber” shtammi BA.5 — “omikron”ning mutatsiyaga uchragan varianti. U sentabrda Yevropaning bir qator mamlakatlarida aniqlangan bo‘lib, yanada shiddatliroq tarqalishi bilan ajralib turadi — u “omikron”dan 20—30 foizga tezroq yuqadi.

Rossiya Sog‘liqni saqlash vazirligining yuqumli kasalliklar bo‘yicha bosh mutaxassisi Vladimir Chulanov aytishicha, “serber” yuqumliroq bo‘lgani bilan, nisbatan yengilroq shaklda kechadi.

Yangi shtammning belgilari avvalgilarnikidan ko‘p ham farq qilmaydi va isitma, yo‘tal, nafas yetishmasligi, charchoq, mushaklardagi og‘riq, ta’m va hid sezmaslik, bosh og‘rig‘i, tomoq og‘rig‘i, tumov, ko‘ngil aynishi, diareyadan iborat.

Shuningdek, uning oqibatlari ham koronavirusning boshqa shtammlarida bo‘lgani kabi uyqu bilan bog‘liq muammolar, soch to‘kilishi, xotira bilan bog‘liq muammolar, ovqat hazm qilish va yurak-qontomir tizimidagi buzilishlar kabilardir.

Izoh
Asosiy yangiliklar
Mahalliy
Samarqandda bedarak yo‘qolgan bola bir yildan so‘ng topildi 
Mahalliy
O‘zbekistonda Sanoat siyosati tadqiqotlari markazi tashkil etiladi
Biznes
O‘zbekistonda pomidor narxi rekordlarni yangilashda davom etmoqda