O‘zbekistonda 2022-yilda jami 20 990 yotoq o‘rni yaratilib, talabalar turar joylarining umumiy quvvati 112 441 o‘ringa yetkaziladi. Bu haqda AOKAda o‘tkazilgan brifingda Oliy va o‘rta maxsus ta’lim vazirligi boshqarma boshlig‘i Farrux Fayziyev ma’lum qildi.
Qayd etilishicha, 2022-yil davomida davlat-xususiy sheriklik asosida 18 800 o‘rinli 47 ta talabalar turar joyini barpo etish vazifasi belgilangan. Shu yilda jami 30 956 o‘rinli 60 ta loyiha, shundan davlat-xususiy sheriklik asosida 20 866 o‘rinli, oliygoh va budjet mablag‘lari hisobidan 2 800 o‘rinli, oliygohlarning to‘liq o‘z mablag‘lari hisobidan 4 640 o‘rinli hamda investitsiya dasturi doirasida 2 650 o‘rinli yotoqxonalarni barpo etish bo‘yicha ishlar olib borilmoqda.
Mazkur obyektlarning shartnomaviy reja grafigiga muvofiq yil yakuniga qadar 13 024 o‘rinli 26 tasi foydalanishga topshiriladi. Bundan tashqari, Toshkent shahri hokimligi tashabbusi bilan Tashkent indeks majmuasida 3 000 o‘rinli talabalar turar joylari tashkil etildi.
Times Higher Education agentligining World University Rankings-2023 reytingida respublikaning 28 ta oliy ta’lim muassasasi Reporter maqomiga ega bo‘ldi va Top-1000 talik reytingdan joy olish uchun da’vogarlar 10 tadan 28 taga yetkazildi.
Mavzuga doir:
- YTTB va O‘zbekiston 18 ming o‘rinli talabalar turar joyi qurish bo‘yicha bitim imzoladi
- OTMlarning 1-kurs talabalariga 2 oylik ijara kompensatsiyasi hech qanday shartnomasiz to‘lab beriladi
- “Talabalarimizga uy-joy yetishmayapti. Mabodo xonadoningizda joy bo‘lsa, ijaraga bering” — Sherzodxon Qudratxo‘ja
Izoh (0)