Ўзбекистонда 2022 йилда жами 20 990 ётоқ ўрни яратилиб, талабалар турар жойларининг умумий қуввати 112 441 ўринга етказилади. Бу ҳақда АОКАда ўтказилган брифингда Олий ва ўрта махсус таълим вазирлиги бошқарма бошлиғи Фаррух Файзиев маълум қилди.
Қайд этилишича, 2022 йил давомида давлат-хусусий шериклик асосида 18 800 ўринли 47 та талабалар турар жойини барпо этиш вазифаси белгиланган. Шу йилда жами 30 956 ўринли 60 та лойиҳа, шундан давлат-хусусий шериклик асосида 20 866 ўринли, олийгоҳ ва бюджет маблағлари ҳисобидан 2 800 ўринли, олийгоҳларнинг тўлиқ ўз маблағлари ҳисобидан 4 640 ўринли ҳамда инвестиция дастури доирасида 2 650 ўринли ётоқхоналарни барпо этиш бўйича ишлар олиб борилмоқда.
Мазкур объектларнинг шартномавий режа графигига мувофиқ йил якунига қадар 13 024 ўринли 26 таси фойдаланишга топширилади. Бундан ташқари, Тошкент шаҳри ҳокимлиги ташаббуси билан Ташкент индекс мажмуасида 3 000 ўринли талабалар турар жойлари ташкил этилди.
Times Higher Education агентлигининг World University Rankings-2023 рейтингида республиканинг 28 та олий таълим муассасаси Reporter мақомига эга бўлди ва Топ-1000 талик рейтингдан жой олиш учун даъвогарлар 10 тадан 28 тага етказилди.
Мавзуга доир:
Изоҳ (0)