Qashqadaryoda yong‘inni o‘chirishga chaqirilgan mashina Cobalt bilan to‘qnashdi (foto)

Qashqadaryo viloyati Shahrisabz shahrida Isuzu va Cobalt ishtirokida yo‘l-transport hodisasi sodir bo‘ldi. Holat yuzasidan viloyat favqulodda vaziyatlar boshqarmasi ma’lumot berdi.

Aniqlanishicha, 25-noyabr kuni soat taxminan 18:25 da qutqaruv xizmatiga Shahrisabz shahri Katta navqat ko‘chasida daraxt yonayotgani to‘g‘risida xabar kelib tushgan.

Shundan so‘ng 4-yong‘in-qutqaruv qismidan Isuzu yong‘in-qutqaruv mashinasi voqea joyiga harakatlanib borayotgan vaqtida shaharning Ipak yo‘li va Tarag‘ay Bahodir ko‘chalari chorrahasida qarama-qarshi yo‘nalishdan harakatlanib kelayotgan Cobalt ilan yo‘l transporti hodisasi sodir etilgan.

Oqibatda Cobalt avtomobili haydovchisi tan jarohati olib, shifoxonaga yotqizilgan.

Holat bo‘yicha surishtiruv ishlari olib borilmoqda.

Mavzuga doir:

• Samarqandda yuz bergan YTH oqibatida haydovchi vafot etdi (video)
• Buxoroda katta tezlikda kelayotgan Nexia yo‘l chetidagi bolalarni urib yubordi
• Toshkentda 3 ta avtomobil ishtirokida YTH sodir bo‘ldi