Jamiyat yuziga tutilgan oyna, bo‘lajak fojialar bashorati, yaroqsiz buyumlardan yaralgan foydali tasvirlar — “Paradoks” ko‘rgazmasiga fototashrif

25-noyabr kuni Toshkent fotosuratlar uyida rassom Elnur Egamovning “Paradoks” nomli shaxsiy ko‘rgazmasi ochildi. 50 ta noodatiy installyatsiya namoyish etilgan ko‘rgazma 26–27-noyabr kunlari ham davom etadi.

“Ko‘rgazmada jamiyatimizdagi sotsial, ekologik va ongimizdagi muammolarni ko‘rsatib berdim. Bu yerda muammolarning yechimi yo‘q. Men oxiri yorildim, sizlarga oyna tutdim. Ushbu ko‘rgazma tashrif buyuruvchilar uchun ko‘zgu, yechim ularning qo‘lida. Asarlar orqali o‘zingizga boqing demoqchi bo‘ldim. Agar vaqtida xulosa chiqarib, harakat qilmasak, mana shu manzaralar kelajagimizda aks etadi”, — deydi Elnur Egamov.

Rassomning aytishicha, ularni yaroqsiz buyumlardan foydalangan holda, redemeyd (ready-made) texnikasida yaratish uchun 6 oy vaqt sarflagan. Ko‘rgazmani nafaqat badiiy, balki ijtimoiy-tadqiqot obyekti sifatida ham ahamiyatli deyish mumkin.

“Daryo” fotomuxbiri Dilruh Isomiddinova paradoksdan iborat asarlar namoyishidan fotogalereya tayyorladi.