Olimlar homiladorlik ayollarning, ayniqsa ishlaydigan ayollarning tanasiga katta ta’sir ko‘rsatadigan ko‘plab dalillarni taqdim etadi. Ammo bu o‘zgarishlarning barchasi Gollivudning super onalari uchun to‘siq bo‘lolmagan.
Emili Blant “O‘rmondan uzoqda” musiqiy filmida
“O‘rmondan uzoqda” filmidagi bola ko‘rishni orzu qiladigan novvoyning xotini roli aktrisa uchun juda mos edi, chunki suratga olish paytida qizi Hazelga homilador bo‘lgan. Blantning aytishicha, uning qorni kattalashayotgani sababli dizaynerlar har 4 kunda uning kiyimlarini o‘zgartirishlari kerak edi.
Keyt Uinslet “Divergent” filmida
“Divergent”da Keyt Uinsletning qahramoni bo‘lgan Jeynni qo‘lida ushlab turgan papka yoki planshetsiz ko‘rish mumkin bo‘lgan sahnalar deyarli yo‘q. Ammo bu tasodif emas: suratga olish paytida aktrisa 5 oylik homilador edi.
Suratga olish guruhi qornini yopish uchun unga planshet berishga qaror qiladi. Homiladorlikning 2-trimestrida bo‘lishiga qaramay, Keyt baribir ba’zi tryuklarni o‘zi, dublsiz bajaradi. Aktrisaning professionalligi film rejissori Nil Byorgerni hayratda qoldiradi.
Riz Uizerspun “Manmanlik” filmida
O‘sha vaqtdagi London modasi Riz Uizerspunga “Manmanlik” dramasidagi roli uchun juda qo‘l keladi. Aktrisa 5 oylik homilador bo‘lgan va libos dizaynerlari uning qornini ko‘p qavatli hashamatli ko‘ylaklar ostiga yashirishgan.
Jillian Anderson “Maxfiy materiallar” filmida
Jillian Anderson homiladorligini bilganida “Maxfiy materiallar” filmining 2-fasli suratga olinayotgan edi. Biroq ijodkorlar unga ko‘proq ekran vaqtini berish uchun mutlaqo yangi hikoya yozishadi. Suratga olish ishlaridan so‘ng aktrisa qizi Payper Maruni dunyoga keltiradi.
Liza Kudrou “Do‘stlar” sitkomida
O‘ylaganingizdek, mashhur teleko‘rsatuvning parda ortida ham ko‘p narsalar bo‘lgan. Muhimlaridan biri Liza Kudrouning homilador bo‘lishi edi. Rejissorlar 4 va 5-fasllarning oxirigacha uning qorinni yashirish o‘rniga maxsus sujet yaratadi — Fibi akasi va uning rafiqasi uchun uch egizakning surrogat onasi bo‘ladi.
Mindi Kaling “Mindi loyihasi” filmida
Kaling personaji “Mindi loyihasi” 3-mavsumida homilador bo‘lgan, real hayotda esa aktrisa so‘nggi mavsumni suratga olish jarayonida qizi Ketringa homilador edi. Kostyum dizaynerlari Mindining qornini turli sumka va hamyonlar bilan yashirishgan.
Gal Gadot “Mo‘jiza ayol” filmida
“Mo‘jiza ayol” filmida Amazon jangchisi rolini o‘ynab, Gal Gadot homiladorligini bilib qoladi. Ammo u suratga tushishni to‘xtatish o‘rniga film ijodkorlarini 5 oylik qornini yashirish yo‘llarini topishgaт, jumladan yashil matodan foydalanishga ishontiradi.
Bleyk Layvli “Sayozlik” trillerida
Bleyk Layvliga qarab “Sayozlik” filmini suratga olish jarayonida uning homilador bo‘lganini tasavvur qilib bo‘lmaydi. Keyin o‘sha paytda aktrisa ikkinchi qizi Inesni kutayotgan edi. Tasvirga olish guruhi Layvlining qornini yashirish uchun rekvizit va burchaklardan foydalangan holda ish olib boradi.
Skarlett Yoxansson “Qasoskorlar: Altron davri” filmida
Aktrisaning “Qasoskorlar: Altron davri” filmida kiygan qora kostyumi, shubhasiz, Skarlett Yoxanssonga yarashib turardi, garchi aktrisa o‘sha paytda qizi Rouzga homilador bo‘lsa ham. Homiladorlik uning harakatli sahnalarda o‘ynashiga to‘sqinlik qilmaydi. Film ijodkorlari bir nechta kostyumlar sotib olishadi, dublyorlarni yollashadi, aktrisani katta planda suratga olishadi va vizual effektlar bilan tajriba o‘tkazishadi.
Ayla Fisher “Sevgi uchun” komediyasida
19-asr liboslari “Sevgi uchun” komediyasini suratga olish paytida foydali bo‘ladi. O‘sha paytda Fisher qizi Elulaga homilador edi, lekin suratga olish guruhi va hatto aktrisaning hamkasblari ham buni sezishmaydi. Ayla qornini yashirish uchun shishirilgan ko‘ylaklar va kattakon paltolar kiyib olgan, korsetlardan ehtiyot bo‘lgan.
Melissa Fumero “Bruklin 9-9” filmida
Melissa homiladorligini aytganida “Bruklin 9-9” filmining 3-mavsumining suratga olish ishlari qizg‘in davom etayotgan edi (u o‘g‘li Enzoni kutayotgan edi). Sitkom yaratuvchilari detektiv Emining farzand ko‘rishiga hali erta deb o‘ylashgan, shu bois uning homiladorligini sujetga kiritishmagan. Qornini yashirish uchun Melissa keng kiyim kiyib olgan.
Mavzuga doir:
- Irkit o‘rdakchadan go‘zal oqqushga: film avvalida xunuk bo‘lsa-da, yakunida sohibjamolga aylangan qizlar haqidagi filmlar
- Kal bo‘lish, sochlarini bo‘yash va ozish: rejissorlar talablarini bajarishdan bosh tortgan aktyor va aktrisalar
- O‘zining mashhur rolini kutilmagan vaziyatlarda qo‘lga kiritgan aktyor va aktrisalar (foto)
Izoh (0)