“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 8-soni mavzusi “Mahallada kim nimaga javob beradi?” bo‘lib, dastur mehmoni sifatida bloger, huquqshunos Zafarbek Solijonov taklif etildi.
Zafarbek Solijonov suhbat davomida mahalla institutining ahamiyati, saylanayotgan raislar va ularning vazifalariga to‘xtaldi.
Hozir mahalla institutida meni eng xursand qilayotgan holat — bugungi kunda ko‘proq aynan mahalla fuqarolari yoqtiradigan odam rais bo‘lyapti. Qaysidir tashkilot, davlat organi xohlagan inson emas, ayni shu mahallani biladigan, xalqni boy qiladigan, savdo, iqtisodiyot, tadbirkorlikda tajribaga ega bo‘lgan odamlar raislikka qo‘yilyapti.Uning ta’kidlashicha, hozirda mahalla institutiga davlat tomonidan ham, insonlar tomonidan ham qo‘yilayotgan talablar shunchalik kuchayib ketganki, bu ishga faqat oylikni deb kelganlar o‘zlari qochib ketyapti. Chunki mahalla oqsoqoliga ham, uning kotibiga ham, maslahatchilarga ham talab ko‘p.Tan olish kerak, oldin ichki ishlar yoki boshqa huquqni muhofaza qiluvchi organlarda ishlab, pensiyaga chiqqan odamlarni qo‘yishgan. Chunki ularda o‘z so‘zini o‘tkazish, boshqarish, aytganini qildirish, hokimiyat yoki boshqa tizimlarning fikrini to‘g‘ridan to‘g‘ri ijro qildirish kabi xususiyatlar bo‘lgan, — deydi mehmon.
Qonuniy jihatdan qarasak, agar biz to‘liq nazorat qiladigan bo‘lsak, qonunni to‘liq ijro etadigan bo‘lsak, bu institut faqatgina fuqarolarning foydasiga xizmat qiladi. Chunki nomidan ham ma’lum — o‘zini o‘zi boshqarish, — deydi Zafarbek Solijonov.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)