Peskov Qozog‘istonni siyosatshunoslarning “qovushmagan” gaplariga e’tibor bermaslikka chaqirdi

Kreml rasmiy vakili Dmitriy Peskov Qozog‘iston haqida “o‘ta nobop” gaplar gapirayotgan siyosatshunoslarni tinglamaslikka chaqirdi, deb yozadi “RBK”.

“Bu siyosatshunoslar hech qanday tarzda hukumatning rasmiy pozitsiyasini aks ettirmaydi”, — deya aniqlik kiritdi Peskov.

Shuningdek, u Rossiyada Qozog‘istonga nisbatan “o‘ta qovushmagan iboralar” qo‘llaydigan siyosatchilar Qozog‘istonda Rossiyaga nisbatan nihoyatda tanqidiy yondashuvchi siyosatshunoslardan kam emasligini ta’kidladi. Kreml vakili qo‘shimcha qilishicha, “shunchaki, ularni tinglash va tomosha qilish kerak emas”.

Savol televideniyeda Vladimir Solovyovning dasturi chog‘ida chiqish qilgan siyosatshunos Dmitriy Drobnitskiyning gaplari yuzasidan berilgandi, u Qozog‘istonni “keyingi muammo” deb atagan. Uning fikricha, u yerda ham Ukrainadagi kabi “natsistik jarayonlar boshlanishi mumkin”. Shuningdek, Drobnitskiy “u yerda ruslar ko‘p”ligini aytgan.

Qozog‘iston tashqi ishlar vaziri o‘rinbosari Roman Vasilenko bunday bayonotlar Rossiya hukumati tomonidan tegishlicha munosabat bildirishga arziydi, deb aytdi. Shu bilan birga, uning qayd etishicha, bunday bayonotlar Rossiya Federatsiyasining rasmiy pozitsiyasini ifodalamasa-da, “Qozog‘iston va Rossiya o‘rtasidagi an’anaviy yaqin aloqalarga ziyon yetkazadi”.

Mavzuga doir:

• To‘qayev Ukrainadagi nizoni hal qilish uchun tinchlik formulasini birgalikda qidirib topishga chaqirdi
• “Qozog‘iston barcha davlatlarning hududiy yaxlitligini qat’iy qo‘llab-quvvatlaydi” — To‘qayev
• To‘qayev Qozog‘iston “tasodifan mustaqillikka erishgani” haqidagi gaplarga javob qaytardi