Yevropa Ittifoqida bankrotlik to‘g‘risidagi arizalar soni uchinchi chorakda ikkinchi chorakga nisbatan 16,3 foizga oshdi. Bu haqda Eurostat ma’lumotlariga tayanib “Vedomosti” xabar berdi.
Nashrning qayd etishicha, Yevropada bankrotlik to‘g‘risidagi arizalar soni beshinchi oy ketma-ket ortib bormoqda.
Eng katta o‘sish uy-joy xizmatlari va oziq-ovqat (+24 foiz), moliya va sug‘urta faoliyati (+17,8 foiz) va sanoat (+16,2 foiz) kabi sohalarda qayd etildi.
Eurostat ma’lumotlariga ko‘ra, bankrotlik to‘g‘risidagi arizalar soni bo‘yicha eng kam o‘sish — axborot va aloqa sohasida qayd etilgan — 1,6 foiz.
Murojaatlar sonining kamayishi esa faqat bitta tarmoqda — tashish va saqlashda (-5,4 foiz) kuzatilgan.
Shu bilan birga, Yevropa Ittifoqida ikkinchi chorak bilan solishtirganda bankrotlik sonining eng tez o‘sishi Vengriya (+110,6 foiz), Ispaniya (+66,1 foiz) va Litvada (+4 foiz) qayd etildi.
Bankrotlik to‘g‘risidagi arizalar sonining eng sezilarli pasayishi Ruminiyada (-36,1 foiz), Kiprda (-32,7 foiz), Estoniyada (-21,3 foiz) kuzatilgan.
Avvalroq Politico Yevropa Ittifoqi va AQSH o‘rtasida savdo urushini prognoz qilgani haqida xabar berilgandi.
Izoh (0)