Ruminiya, Bolgariya va Albaniya: Yevropaning yashash uchun eng arzon davlatlari e’lon qilindi

2023-yilda yashash uchun Yevropaning eng arzon davlatlari e’lon qilindi. Bu haqda Unian xabar bermoqda.

Ma’lumotlarga ko‘ra, Ruminiya, Bolgariya va Albaniya Yevropaning kelgusi yilda yashash uchun eng arzon davlatlari deb topildi.

Schengenvisainfo ma’lumotlariga ko‘ra, ko‘chib o‘tish uchun mamlakatni tanlashda yashash narxining sifatga nisbatini ham hisobga olish muhim va shu nuqtayi nazardan, tanlov Sharqiy Yevropaning olti davlatiga to‘g‘ri kelishi mumkin.

Ruminiya

Sharqiy Yevropada yashash xarajatlari eng past bo‘lgan mamlakat bir qator sabablarga ko‘ra ko‘plab xorijliklar uchun mashhur ko‘chish joyidir: do‘stona odamlar, arzon oziq-ovqat, munosib turmush sharoiti va go‘zal mamlakat.

Ruminiyada bir kishi boshiga yashash narxi oyiga 499 dollarni tashkil etadi, uy-joy ijarasi bundan mustasno.

Poytaxt Buxarestda uy-joyning oylik narxi oyiga 200-300 dollar, boshqa shaharlarda — 150-200 dollar, studiya o‘rtacha 75 dollarga turadi.

Kommunal xizmatlar o‘rtacha 115 dollar, oylik chipta esa 18 dollar turadi. Ruminiyada eng kam ish haqi 472 dollarni tashkil qiladi. Mamlakatda yashash uchun eng arzon shaharlar — Timisoara, Kluj-Napoka, Konstansa va Sibiu.

Bolgariya

Ushbu ro‘yxatda ikkinchi o‘rinni Bolgariya egalladi. Mamlakatdan arzon qishloq mulki yoki shahardagi hashamatli kvartiralarni ehtiyoj va budjetga moslab topa olish kafolatlanadi.

Bolgariyada ijara haqini hisobga olmaganda kishi boshiga yashash narxi oyiga taxminan 506 dollarni tashkil qiladi. Poytaxtda uyni ijaraga olish oyiga o‘rtacha 350-500 dollarga tushadi, undan tashqarida esa 175-200 dollar.

Bolgariyada kommunal xizmatlar oyiga o‘rtacha 110 dollar turadi. Jamoat transporti uchun oylik chipta narxi taxminan 27 dollar. Mamlakatda eng kam ish haqi 372 dollarni tashkil qiladi. Bolgariyada yashash uchun eng arzon shaharlar — Veliko Tırnovo, Plovdiv, Varna va Burgas.

Albaniya

Reyting bo‘yicha uchinchi o‘rinni egallagan ushbu davlatni maftunkor tabiat va arzon turmush sharoiti ko‘plab xorijliklar uchun ajoyib tanlov.

Albaniyada ijara haqini hisobga olmaganda bir kishi uchun taxminiy yashash narxi oyiga taxminan 420 dollarni tashkil qiladi. Poytaxt Tiranada uyni ijaraga olish oyiga o‘rtacha 400 dollar, boshqa shaharlarda esa 150-250 dollar turadi.

Kommunal xizmatlar o‘rtacha 80 dollar, oylik chipta esa 11 dollar. Albaniyada eng kam ish haqi 281 dollarni tashkil qiladi. Mamlakatda yashash uchun eng arzon joylar — Tirana, Durres, Saranda va Vlora kabi shaharlardir.

Chexiya

Yevropada yashash uchun eng arzon mamlatlar ro‘yxatida to‘rtinchi o‘rin bo‘lgan nisbatan kichik mamlakat boy va uzoq tarixga ega, shuningdek, xavfsiz va qulay. Chexiyada kishi boshiga yashashning taxminiy qiymati 627 dollarni tashkil etadi (ijaradan tashqari).

Uy-joyni Pragada oyiga 350-800 dollarga, boshqa shaharlarda esa 250 dollarga ijaraga olish mumkin. Kommunal xizmatlar o‘rtacha 270 dollar, oylik chipta esa 23 dollar turadi.

Chexiyada eng kam ish haqi 672 dollarni tashkil qiladi. Mamlakatda yashash uchun eng arzon shaharlar Borno, Pilsen, Ostrava va Olomous hisoblanadi.

Polsha

Beshinchi o‘rindagi bu mamlakat Yevropaning eng go‘zal joylaridan biri. Polshada kishi boshiga oylik yashash xarajatlari ijara haqini hisobga olmaganda 525 dollarni tashkil qiladi.

Poytaxt Varshavada uy-joy ijarasi oyiga o‘rtacha 400-700 dollarga tushadi, undan tashqarida esa 200 dollar.

Polshada kommunal xizmatlar oyiga o‘rtacha 70-100 dollarni tashkil qiladi, oylik chipta taxminan 24 dollarni tashkil qiladi va eng kam ish haqi 655 dollar. Polshada yashash uchun eng arzon shaharlar — Katovitse, Belystok va Rzeshov.