Politico Yevropa Ittifoqi va AQSH o‘rtasida savdo urushini prognoz qildi
AQSHda 1-yanvardan inflyatsiyani pasaytirish to‘g‘risidagi qonuni kuchga kiradi. Yevropa bu qonunga “javob berishga” jiddiy tayyorgarlik ko‘rmoqda. Yevropaliklar ko‘rib chiqayotgan choralar transatlantik savdo urushiga olib kelishi mumkin. Bu haqda Politico xabar bermoqda.
Nashrga ko‘ra, Yevropa, xususan, Germaniyaning ham “Vashington tinchlik kelishuvini taklif qilmayotganidan hafsalasi pir bo‘lgan”.
Yevropaning qo‘rquvi 1-yanvardan kuchga kiradigan AQSHda yashil biznesni qo‘llab-quvvatlash uchun 369 milliard dollarlik subsidiyalar va soliq imtiyozlari paketidan kelib chiqdi.
Avgust oyida AQSH prezidenti Jo Bayden inflyatsiyani pasaytirish bo‘yicha qonunni imzoladi. Unda soliqlarni kamaytirish, AQSHda ochilgan korxonalar uchun energiya ta’minoti sohasida imtiyozlar nazarda tutilgan.
Politico’ning ta’kidlashicha, Yevropaliklar uchun muammo shundaki, AQSH sxemasi kompaniyalarni Yevropadagi sarmoyalarini ko‘chirishga undaydi.
Bu esa Fransiya va Germaniya kabi Yevropa Ittifoqining yirik avtomobil ishlab chiqaruvchilariga muammo tug‘diradi, chunki u elektr transport vositalarini sotib olishda mijozlarni Amerika mahsulotlarini xarid qilishga undaydi.
Germaniya “ochiq xavotir holatida” bo‘lib, uning bir qancha yetakchi kompaniyalari energiya narxining ko‘tarilishi sharoitida boshqa mamlakatlarga sarmoya kiritish maqsadida ichki operatsiyalarini to‘xtatmoqda.
Ammo sulh bo‘lishi dargumon. Agar kurash nazoratdan chiqib ketsa, bu qamalda qolgan yevropaliklarni dahshatga soladigan savdo urushiga olib keladi, — deyiladi xabarda.
AQSH qonunlariga javoban Yevropada ko‘rib chiqilayotgan mumkin bo‘lgan harakatlar JSTdagi “asosan ramziy” norozilik bo‘lishi mumkin.
Ammo to‘qnashuv osongina AQSHning sobiq prezidenti Donald Tramp davridagi tariflar bo‘yicha janglarga qaytishi mumkin, — deyiladi prognozda.
Yevropada ham Qo‘shma Shtatlar bilan ochiq tarif urushi o‘rniga “erkin savdo qoidalarining klassik to‘plamini buzish va Vashington bilan o‘z o‘yinini o‘ynash” varianti tobora ko‘proq muhokama qilinmoqda.
Bu quyosh panellari, akkumulyatorlar ishlab chiqarish kabi tarmoqlari, vodorod texnologiyalarini rivojlantirishni faollashtirish maqsadida Yevropa sanoatiga davlat sarmoyasini kiritishni nazarda tutadi.
