Buyuk Britaniyada ishlab chiqarish 2020-yilning may oyidan — iqtisodiyot COVID-19 pandemiyasidan qattiq zarar ko‘rganidan beri eng past darajaga tushdi. Bu haqda The Times xabar berdi.
Ma’lumotlarga ko‘ra, oktabr oyida ishlab chiqarish, xizmat ko‘rsatish va qurilishning 14 ta asosiy tarmog‘idan 12 tasida ko‘rsatkichlarning pasayishi kuzatildi.
Ichki muammolar va global tendensiyalarning uyg‘unligi iqtisodiy tanazzulga olib keldi. Vaziyat g‘ayrioddiy: bu ishsizlikning rekord darajada pastligi va yuqori inflyatsiya bilan uyg‘unlashdi, — deydi Lloyds Banking Group vakili.
Inflyatsiyaning yuqori darajasi ya’ni hozirdagi 11,1 foiz, uning fikricha, inglizlarni xarajatlarni kamaytirishga majbur qildi.
Agentlik ma’lumotlariga ko‘ra, iqtisodiy o‘sishga eng katta salbiy ta’sir Ukrainadagi urush yuzasidan Rossiya va G‘arb o‘rtasidagi qarama-qarshilik fonida kuzatilgan mart oyidan beri energiya narxining oshishi hisoblanadi.
Avvalroq Buyuk Britaniyadagi do‘konlarda o‘g‘irliklar soni yil davomida 18 foizga oshgani ma’lum qilingani haqida xabar berilgandi.
Izoh (0)