O‘zbekistonning davlat qarz qoldig‘i 2022-yilning 1-iyul holatiga ko‘ra 26 mlrd dollarni tashkil qildi. Bu haqda Moliya vazirligi matbuot xizmati xabar bermoqda.
Bunda mamlakatning tashqi qarzi 23,36 mlrd dollar bo‘lgan bo‘lsa, ichki qarz 2,77 mlrd dollar bo‘lgan. O‘zbekiston davlat qarzi yalpi ichki mahsulotga nisbatan 35,1 foizni tashkil qilgan. Bu ko‘rsatkich 2021-yil yakunida 38 foiz edi.
Davlat tashqi qarzi 2021-yilga nisbatan 302,9 mln dollarga kamaygan. 2020-yilda davlat qarzi 23,4 mlrd dollar bo‘lgan edi. Shu tariqa u 11 foizga oshdi va 2021-yil davomida 2,9 mlrd dollarga o‘sdi.
Biroq YIM tez suratlarda, ya’ni 9,4 mlrd dollarga o‘sgani tufayli davlat qarzining YIMga nisbatan ulushi pasaydi.
Xalqaro valyuta jamg‘armasining mamlakatlar iqtisodiyotiga bag‘ishlangan hisobotiga ko‘ra, O‘zbekistonning davlat qarzi bugungi kunda “mo‘tadil” darajada hisoblanadi.
Ma’lumot uchun, davlat qarzi bo‘yicha statistik ma’lumotlar xalqaro moliya tashkilotlari va tijorat banklari taqdim etadigan ma’lumotlar asosida aniqlashtirib boriladi.
Mavzuga doir:
Izoh (0)