AQSH prezidenti Jo Baydenning nabirasi Naomi King Bayden turmushga chiqdi, to‘y marosimi Oq uyning Janubiy maysazorida bo‘lib o‘tdi, deyiladi Oq uy veb-saytida.
Naomi King Bayden 28 yoshda, qiz 25 yoshli Piter Xirman Nil bilan oila qurdi. Marosimga 250 ga yaqin mehmon taklif qilingan. Bular asosan tomonlarning oila a’zolari, ammo tadbirda AQSH Davlat kotibi Entoni Blinken ham ishtirok etgan, deya ta’kidlaydi The Washington Post.
Nikoh marosimi tugagach, Oq uyning old tomondagi oshxonasida kelin-kuyovning qarindoshlari uchun tantanali kechki ovqat va to‘y marosimi boshlangan.
Naomi Bayden — Amerika prezidentining birinchi nikohidan tug‘ilgan o‘g‘li Xanter Baydenning qizi. AQSH birinchi xonimi Jill Bayden qizning tug‘ishgan buvisi emas. Xanterning onasi va Baydenning birinchi rafiqasi Niliya avtohalokatda vafot etgan.
Oq uyda prezident oilasi a’zosining to‘yi oxirgi marta Bill Klinton (1993—2001) davrida o‘tkazilgan edi, deb yozmoqda The Washington Post. 1994-yilda u yerda Hillari Klintonning akasi Entoni Rodemning to‘yi bo‘lib o‘tgan. Oq uyda jami 19 ta to‘y o‘tkazilgan.
Izoh (0)